Полицијата со апел до излетниците да внимаваат со возењето и со палењето оган

Во пресрет на првомајското празнување се очекува зголемена фрекфренција на патиштата, особено  на оние кои водат кон туристичките центри Охрид и Маврово и кон повеќето излетнички места на поширокото гостиварско подрачје.

Во таа насока, Секторот за внатрешни работи Тетово упати апел до возачите- целосно да ги почитуваат сообраќајните правила и прописи, да ја прилагодат брзината според условите на патот, да бидат максимално внимателни и да избегнуваат конзумирање алкохол, доколку планираат учество во сообраќајот.

„На излетниците им се советува  да не палат огнови на отворен простор, посебно во близина на шума и по нивното заминување, да проверат дали зад себе оставиле и да ги соберат отпадоците. Пожари може да пламнат за кусо време, а тешко се локализираат и можат да предизвикаат несогледиви последици.“, наведуваат од СВР со најава дека ќе го зголеми полициското присуство на патиштата на подрачјето, во функција на непречено и безбедно одвивање на сообраќајот и безбедно празнување.