Полицијата уапсила 19-годишник кој се обидел да провали во куќа во Гостивар

Ноќеска околу 3 часот после полноќ, од страна на полициски службеници од Полициската станица-Гостивар на улица „Светозар Пепоски“ бил лишен од слобода 19-годишниот Џ.Б. од село Отучиште-тетовско, поради основи на сомневање за сторено Кривично дело „тешка кражба во обид“, соопшти Секторот за внатрешни работи.

Според нивните информации, лицето се обидело да изврши кражба еден час порано, на улица ,,Мајор Чеде Филиповски“, во Гостивар во куќа, сопственост на 47-годишниот гостиварец Д.У.  Момчето е задржано во Полициска станица Гостивар за понатамошна постапка.