Вести Гостивар

Полициски билтен за Гостивар: Фатени со марихуана, претрес и лишување од слобода

Објавено

пред 2 години

на

07/08/2019

Од

Gostivarpress.mk

Во текот на вчерашниот ден, во два одделни случаи на гостиварското подрачје биле приведени четири лица.

Секторот за внатрешни работи соопшти дека околу 15 часот и 45 минути, во гостиварското село Чегране лишиле од слобода двајца млади жители на селото, на возраст од 21 и 24 години. При нивен преглед пронајдена им била марихуана и двајцата потоа биле задржани во Полициската станица Гостивар за расчистување и документирање на случајот, по што против нив ќе следува соодветен поднесок.

Вечерта пак, во периодот од 20 часот и 45 минути до 21 часот и 35 минути, полициски службеници на Надворешната канцеларија за криминалистички работи Гостивар, извршиле претрес во домот на 18-годишниот А.Џ. во гостиварска Долна Бањица. При претресот, реализиран со судска наредба, пронајдени се 8 куршуми калибар 9 милиметри и рамка за пиштол и 10 куршуми од гасен пиштол.

А.Џ. и неговиот татко 57 годишниот Е.Џ. биле лишени од слобода и задржани во Полициската станица Гостивар за целосно расчистување на случајот. Против нив ќе биде изготвен соодветен поднесок.

Поврзани теми:

Остави коментар