Повредени повеќе лица во судир на две возила во Гостивар

Во сообраќајна несреќа што се случила вчера попладне во Гостивар, со повреди се здобиле повеќе лица.

МВР информира дека во 17.50 часот било пријавено дека на крстосницата на ул.„101“ со ул.„ЈНА“ во Гостивар се случила сообракајна незгода помеѓу патничко моторно возило „хјундаи санта фе“ со гостиварски регистарски ознаки, управувано од А.А. на возраст од 46 години од Гостивар и патничко моторно возило „рено трафик“ со гостиварски регистарски ознаки, управувано од С.Х. на возраст од 40 години, исто така од Гостивар.

Во незгодата со тешки телесни повреди се здобил возачот С.Х., а со телесни повреди се здобиле две сопатнички од возилото „хјундаи санта фе“, 44 годишната Д.А. и 13 годишна малолетничка и уште две сопатнички од другото возило, 39 годишната С.Б. и 61 годишната С.М. сите од Гостивар. Тие биле пренесени во гостиварската болница за укажување на лекарски помош.

Извршен бил увид на местото на настанот од увидна екипа од Полициската станица Гостивар.