Гостивар
Пожар на Русино разгоре и политички оган – изјави на Таравари и Бектеши

Најголемата еколошка мака на гостиварци, депонијата Русино деновиве повторно гори. На социјалните мрежи се појавија фотографии и видео од депонијата на кои може да се забележи како гори отпад и се издигнува облак од чад. Пожарот на депонијата ја запали и политичката атмосфера. Градоначалникот Арбен Таравари изрази сомнеж дека огнот е подметнат со политички цели, за да се оцрни општинската власт во пресрет на локалните избори.
„Скоро една година ние таму имаме ангажирано приватна компанија за обезбедување, поставени се камери и во Русино кога беа највисоките температури немаше пожари. Не би сакал да помислам дека некој политички подметнува пожар, дека за политички поени го загадуваат воздухот и ги трујат своите сограѓани, само за да имаат некоја придобивка. Немаше пожар 5-6 месеци и сега одеднаш месец и пол пред избори, има пожари неколку дена. Не би сакал тоа да е некој партиски пироман. Ние ќе продолжиме да го превенираме секој пожар што ќе се појави, доколку забележиме некој на камера како пали, тоа ќе го пријавиме“, изјави Таравари.
Министерот Крешник Бектеши од редовите на ДУИ, искоментира дека таквата изјава на градоначалникот е обид да се сврте вниманието од проектите што централната власт ги спроведува во Гостивар.
„Во однос на изјавата на господинот Таравари дека можеби намерно се пали Русино, заради политички цели, јас би рекол дека не е така. Не знам зошто ја давал таа изјава, токму на денешниот ден, можеби за да го сврти вниманието од конкретни проекти кои ги реализира централната власт. Ние како за сите општини, така се грижиме и за Општина Гостивар иако не е раководена од страна на позицијата, а тоа го докажуваме преку конкретни проекти како што е случај и денес, кога вршиме увид на проект за фекален колектор вреден 130 милиони денари. И не само тоа, во Гостивар е обезбедена и реконструкција на болницата, изградба на канализации, водоводи, патна инфраструктура. Граѓаните на Гостивар на 17 октомври ќе одлучат кој реализира проекти и работи за нивно добро“, рече Бектеши.
-
Гостиварпред 3 недели
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Невработените со можност за бесплатни обуки и полагање за возачки дозволи за камион и автобус
-
Гостиварпред 3 месеци
ПАТЕПИС: Во прегратките на Кораб – Светилиштата како вечност
-
Вестипред 3 месеци
УЈП со важно известување за корисниците на МојДДВ
-
Вестипред 3 месеци
Преку „е-услуги“ вадење имотен лист за неколку секунди
-
Гостиарскипред 3 месеци
Гостиварецот Деан Поповски победник во уникатното голф дерби во Белград
-
Македонијапред 3 месеци
Комплетна листа на неработни денови во 2025-та година
-
Што, како, каде?!пред 1 месец
„Пица & Бургер БЕЈБИ“ – Ново уникатно место за добра храна и забава во Гостивар