Претрес во стан во Гостивар – најдени хероин, метадон…

Полицијата информира дека денес (5 октомври) околу 11.35 часот во Гостивар, полициски службеници на Одделението за внатрешни работи Гостивар ги лишиле од слобода гостиварците К.С. 51 годишен и Х.А. 54 годишен.

„При претрес во станот на К.С. на улица „Гоце Делчев“ во Гостивар, извршен со судска наредба, во кој бил затекнат и Х.А., биле пронајдени и одземени хероин, неколку пластични шишиња со метадон, дигитална вага и предмети со остатоци од дрога. Тие се задржани во Полициската станица Гостивар и по целосно документирање на случајот ќе им бидат изготвени соодветни поднесоци.“, соопшти СВР.