Пристигна пролет! Најинспиративното годишно време на будење на природата

Пролетта на Северната хемисфера почна денеска во 4:06 часот, а во истовреме на Јужната хемисфера почна есента. Пролетта ќе трае 92 дена до 20 јуни кога ќе почне летото.

На првиот ден од пролетта, Сонцето во Гостивар изгреа во 5 часот и 39 минути, а ќе зајде во 17 часот и 49 минути.

Синоптичарите за денеска најавуваат студено утро, а преку ден сончево со појава на мала облачност. Ќе дува слаб до умерен, наместа долж Повардарието повремено засилен ветер од северен правец. Минималната температура ќе биде во интервал од 2 до 9, а максималната од 11 до 18 степени. Во Гостивар максималната температура ќе достигне 13 степени.