Приведени тројца разбојници од гостиварско

Секторот за внатрешни работи Тетово-Надворешна канцеларија за криминалистички работи Гостивар го расчисти разбојништвото кое на 25 октомври годинава околу 20 часот било извршено над 48-годишниот Г.С. од Република Србија и до Основното јавно обвинителство Гостивар кривично ги пријави: М.Х.(33) и Љ.Х.(27), двајцата од гостиварското село Дебреше и Ш.Ј.(42) од гостиварски Равен, информира полицијата.

Тројцата пријавени се сомничат дека во близина на наплатната станица Гостивар, најпрво побарале да влезат во товарно моторно возило „Сканија“ со српски регистарски ознаки, што го управувал Г.С, а веднаш потоа физички го нападнале и заканувајќи му се по животот со остар предмет, му одзеле паричник со 9000 динари, 50 евра, возачка дозвола, банкарска картичка и набрзина се оддалечиле од местото.