Проект за модерен и инклузивен плоштад во Гостивар презентира АА/А

Еден од проектите што во предизборната кампања го презентира Алијанса за Албанците/Алтернатива, под мотото „Гласај за Гостивар“ е нов плоштад. Како што е појаснето во презентацијата се работи за уредување на плоштад со вкупна површина од 1.500 квадратни метри, во кој меѓу другото се предвидени услови за движење и одмор на лицата со попречености.

„Централното подрачје ќе се претвори во колку современ, толку и класичен простор. Ќе бидат поставени флексибилни клупи за одмор на граѓаните во различни катчиња, опкружени со зеленило, реновирани фонтани, ќе има посебни ленти за велосипедисти, патеки за движење на мајки со колички, на лица со посебни потреби како и на слепи лица. Просторот ќе се претвори во плоштад за секого“, се наведува во презентацијата.

Друг проект кој деновиве беше презентиран е нов парк со детско игралиште, велосипедска патека и паркинг простор во близина на автобуската станица.