Гостивар
Пуштен во употреба Центар за поддршка на млади претприемачи во Гостивар
Младите гостиварци коишто сакаат да зачекорат во светот на бизнисот или имаат потреба да работат од далечина добија модерен и иновативен простор да ги остварат своите цели. Во Гостивар официјално е пуштен во употреба Центар за поддршка на млади претприемачи и за работа од далечина. Центарот е отворен преку проектот CoWork кој има за цел да ги мотивира младите претприемачи за спроведување на нови креативни идеи.
Младите ќе можат да ги користат канцелариите, опремени со соодветни ИТ уреди, интернет и други помагала 24 часа за симболична членарина, сума која ќе се користи за покривање на основните трошоци.
Проектот го спроведува организацијата YEP, a финансиски е поддржан од Општина Гостивар и спонзори.
„Кога од младинската организација ни ја кажаа својата идеја за ваков Центар, кој е навистина модерен и по примерот на Запад, веднаш ја дадовме нашата поддршка. Центарот ќе биде од голема помош за сите млади со креативни идеи за нивните почетоци и првичниот развој. Како општина секогаш ќе поддржуваме вакви проекти кои се од корист на младите.“ рече при посетата на Центарот градоначалникот Арбен Таравари.
Корисници на просторот можат да бидат луѓе од различни професии: правници, сметководители, маркетинг менаџери, архитекти, фотографи, консултанти, како и струки кои се тесно поврзани со дигиталните трендови.
Секој член ќе има на располагање, приватно биро, оптички интернет, сала за состаноци, кујна, личен простор за чување материјали и друго.
Центар за поддршка на млади претприемачи и луѓе кои работат од далечина е лоциран во објект кај поранешното кино во централното градско подрачје на Гостивар.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар