Расположението се менува и под влијание на боите

Третманот со боја е дел од илјадагодишната историја на античките култури, кинеските, индиските, грчките, египетските.

За да бидете опуштени и да живеете со помалку стрес, опкружете се со бои. Хромотерапијата е холистички метод на третман кој користи различни бои за да го врати телото во рамнотежа. Под влијание на боите ни се менува расположението, се забрзува физичкото и психичкото закрепнување, телото се смирува и опушта, се „полниме“ со енергија. Затоа внесете бои во вашиот живот и обидете се да поминувате повеќе време во зеленило, бидејќи тоа најмногу придонесува за опуштање.

Како боите влијаат?

Зелена боја

Зелената боја исто така ја враќа емоционалната рамнотежа. Ги одмора очите, го воспоставува правилниот ритам на срцето, ја стимулира работата на бубрезите, ја смирува главоболката и нервозата. Таа е најефективната боја во борбата против стресот.

Црвена боја

Се смета дека црвената боја ја подобрува крвната слика, ја стимулира циркулацијата, мотивира и внесува радикални промени. Но, бидете умерени, премногу црвено ќе предизвика раздразливост.

Жолта боја

Жолтата боја поттикнува оптимизам и радост, ја подобрува концентрацијата и помага при донесување одлуки. Тоа е бојата на Сонцето и, според старогрчкото верување, бојата на боговите. Се поврзува со подобри ментални активности, отвореност кон нови можности и поттикнува будење на психичките способности и јасност на чувствата. Премногу жолта боја ќе предизвика ментална напнатост.

Сина боја

Сината е боја на смиреност, но и на контрола, помага при ментална напнатост и замор. Ја поттикнува креативноста, а корисна е и за ублажување на мигрена, болки во вратот и грбот и несоница. Во вишок на сина боја таа предизвикува несигурност и нестабилност.