Разочарани од љубовта, се трујат со седативи

Разочарувањата во љубовта, семејните недоразбирања или сиромаштијата ги тераат на очајни чекори. Триесетина лица годишно на подрачјето на Гостивар, посегнуваат по својот живот. Меѓу нив, за жал има и малолетници.

Според анализите од Секторот за внатрешни работи, обидите за самоубиство најчесто се вршат со труење со седативи или токсични течности како што се средства за хигиена и слично.

Во текот на минатата година, во гостиварскиот регион, вкупно биле регистрирани 33 обиди за самоубиство, од кои три ги извршиле малолетни лица. Дури во половина од случаите, лицата завршиле со потешки телесни повреди. Како причини се наведуваат асоцијално однесување, семејни недоразбирања, разочараност, невозвратена љубов, беспарица и друго. Гледано по полови, анализите велат дека женските лица се побројни меѓу оние кои посегнувале по сопствените животи. Во најголемиот број случаи се работело за девојки и жени на возраст од 18 до 30 години.