Вести
Гостивар ќе чека мобилен мониторинг за загаденост на воздухот
Наместо да добие фиксна мерна станица со која постојано ќе може да се следи загаденоста на воздухот, Гостивар ќе биде опфатен со проект за мобилен мониторинг на квалитетот на воздухот. Според најавите на Министерството за животна средина, системот ќе биде набавен во текот на годината и ќе кружи низ повеќе градови, меѓу кои и Гостивар. Но, сега за сега, не може точно да се прецизира кога ќе проработи и кога ќе стигне до нашиот град. „За мобилната станица ќе се подготви план за употреба, од причина што таа треба да се искористи за мониторинг на квалитетот на воздухот во повеќе градови каде што не се врши континуирано мерење“, стои во одговорот од Министерството за животна средина.
На прашањето дали за Гостивар се планира поставување на постојана станица од Министерството одговорија дека во Државниот мониторинг систем, тоа не е предвидено. Причината е што системот со 17-те станици во земјава, го задоволувал европскиот минимум за контрола на квалитетот на воздухот. Од таму напоменуваат дека според Законот за квалитет на амбиентниот воздух, мерна станица може да постави и општината, по претходно добиено одобрение од нив.
Додека не се измери точното ниво на штетните ПМ 10 честички, гостиварци може само да погодуваат каков воздух дишат и како тоа влијае врз нивното здравје. Како што и претходно пишувавме, ризик фактори за загаденост постојат: бројни домаќинства што се затоплуваат на дрва, депонијата Русино, која е лоцирана премногу блиску до населените места и не ги задоволува стандардите како и голема фреквенција на возила секојдневно низ градските улици.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар