Рокот за поднесување годишни сметки продолжен до 25 март

По минатонеделната, децидна одлука дека нема да се продолжи рокот за поднесување на годишни сметки, како што побараа сметководителите. Централниот регистар денеска на својата веб страница објави дека го продолжи рокот за електронско поднесување на годишна сметка до 25 март годинава.

„Согласно барањата пристигнати до Централниот регистар, со кои се бара одложување на рокот за доставување на годишна сметка Ве известуваме дека Централниот регистар одлучи да излезе во пресрет на обврзниците за поднесување на годишна сметка и на сметководителите и да го продолжи рокот за електронско поднесување заклучно со 25.03.2021 година до 24 часот. Ваквата одлука за пролонгирање на рокот се носи согласно ситуацијата и мерките од Владата за заштита и превенција од вирусот covid-19, како и поради тоа што голем број од сметководителите се заболени од вирусот и не се во можност да ги запазат законските рокови“, се вели во известувањето од Централен регистар.