Вести
Седнаа на заедничка маса и ветија подобрена комуникација Полиција-Општина во Гостивар
Повисоко ниво на соработка и подобрена комуникација на релација Полиција-Општина во Гостивар. Во оваа насока беа изјавите кои по денешната средба ги дадоа министерот за внатрешни работи Оливер Спасовски и градоначалникот Арбен Таравари. Средбата траеше 40-тина минути, а во кабинетот на градоначалникот дојдоа и заменик министерот за внатрешни Агим Нухиу, началникот на СВР Тетово Амир Далипи и командирот на ПС Гостивар Гази Абдураими.
„ Враќањето на довербата кај граѓаните во полицијата мора да започне преку обновата на врската меѓу локалната самоуправа и централната власт, посебно локалната самоуправа и МВР. Мислам дека најголемиот дел од проблемите кои се случиле во Гостивар се поради немањето соодветна комуникација меѓу полициската станица и локалната самоуправа и со градоначалникот разговаравме на кој начин да ја подобриме комуникацијата. Ако се разговара ќе може да се решат проблемите. Само преку дијалог се подобруваат состојбите. Ако разговарате преку социјални мрежи и медиуми, без да седнете на маса нема резултати и нема успеси“, изјави Спасовски.
Таравари рече дека го информирал министерот за инцидентот што се случи во гостиварската гимназија во април и за заканите кои ги добил пред неколку дена.
„Законот треба да важи за сите граѓани подеднакво, без разлика на која политичка партија припаѓаат. Наша перцепција беше дека командирот се однесуваше селективно. Се надевам дека сега откако седнавме на заедничка маса и разговаравме, во иднина и со асистенција на министерот ќе се воспостават коректни односи“, изјави градоначалникот.
Министерот за внатрешни работи во рамки на својот престој во Гостивар ја посети и Полициската станица.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар