Сет антикризни мерки: Сите функционери ќе земаат минималец за април и мај, за работниците во приватен сектор минимална плата ќе исплати Владата

Техничкиот премиер, Оливер Спасовски го презентираше втор сет економски мерки на Владата за справување со кризата со Ковид 19.

„Првата мерка опфаќа финансиска поддршка за правни субјекти од приватен сектор погодени до кризата поради Ковид 19: исплата на плати на работниците за април и мај, во износ од најмногу 14.500 денари по работник. Со оваа мерка се поддржува ликвидноста на работодавачите од приватниот сектор, се намалуваат нивните трошоци за плати во функција на заштита на работниците. За да тука бидат опфатени занаетчиите, автомеханичари, фризери и други ќе биде донесена дополнителна уредба. Мерката два е помош на спортисти, односно исплата на минимална плата за спортисти и спортски работници од 14.500 за април и ма. Мерка три – помош за уметниците, за 141 самостоен уметник ќе биде обезбедена минимална плата за април и мај. Мерка четири – паричен надоместок за граѓаните кои останале без работа заради кризата во висина од 50% во период од 6 месеци. Мерка пет – сите избрани и именувани функционери на државно и локално ниво ќе примаат минимална плата од 14.500 во април и мај. Мерка шест –  претседатели и членови на надзорни и управни одбор и општинските совети нема да примаат надоместок.“, изјави Спасовски.