Гостивар
Со собир и цвеќе одбележани 68 години од загинувањето на градителите на ХЕС „Маврово“
Маврови Анови, 9 февруари 2024 – Денес пред споменикот на градителите во Маврово, се одбележаа 68 години од мавровската снежна трагедија, кога големи снежни лавини однесоа 52 човечки животи.
Симболично, со положување на цвеќе пред споменикот на градителите и едноминутно молчење, делегации на АД ЕСМ, Подружница ХЕС „Маврово“, НП „Маврово“ и Здружението на акцијаши од Гостивар им оддадоа почит на загинатите, кои ги загубиле животите во снежна лавина во 1956 година, градејќи го хидроенергетскиот систем Маврово.
„Во недела се навршуваат 68 години од големата февруарската трагедија, која се случи во овој регион. Ноќта меѓу 10 и 11 февруари во далечната 1956 година, од снежните лавини што го зафатија мавровскиот регион загинаа 52 градители на системот, граничари и мештани. Во знак на сеќавање на трагедијата што ги потресе жителите на целата тогашна Југославија, подигнат е овој споменик и од тогаш редовно традиционално се одржува Мавровскиот Меморијал, спортски натпревар во скијачко трчање. Ние вработените во хидроцентралите „Маврово“, секоја година се собираме пред споменикот, положуваме цвеќе и се потсетуваме на големата трагедија. Со ова сакаме да им дадеме до знаење на сите наши вработени, дека луѓето што загинаа во оваа трагедија вечно не‘ задолжија, положувајќи ги своите животи“, рече на собирот Томче Јаневски од ХЕС „Маврово“
Со едноминутно молчење присутните оддадоа почит кон оние кои ги загубиле своите животи во трагедијата во периодот на изградбата на хидроенергетскиот систем.
Споменикот на градителите што e подигнат близу браната во село Маврови Анови ја симболизира нивната храброст и пожртвуваност. На спомен плочата, пак се врежани имињата на сите загинати во снежните лавини.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница