Состанок на Кризниот штаб во Гостивар за акциите за помош на Албанија

Кризниот штаб што Општина Гостивар го формираше со цел помош за погодените во земјотресот во Албанија, денес одржа состанок во врска со активностите и транспорт на собраните хуманитарни пакети.

Градоначалникот Арбен Таравари, во својство на претседател на кризниот штаб, им се заблагодари на членовите за нивната посветеност за непречено одвивање на активностите и им ја пренесе благодарноста на граѓаните на Драч и Тумана, како и на албанските власти за пружената помош, која му ја изразиле за време на посетата на подрачјата погодени од земјотресот.

Членовите на кризниот штаб детално го информираа градоначалникот Таравари за предизвиците и успешното справување при собирањето помош, обезбедување соодветна документација за транспорт и асистенцијата на јавните комунални претпријатија и противпожарната единица при спроведување на активностите, информира општината.

Од таму нагласуваат дека било одлучено кризниот штаб да продолжи да биде активен, сè додека има потреба.

Во Кризниот штаб членуваат: градоначалникот, директорите на јавните претпријатија, претседателот на Советот, секретарот на општината, директорот на Здравствен дом и командирот на Полициската станица.