Спасовски: Видливи се резултатите во борбата против трговија со дрога во гостиварско и тетовско

Во рамки на денешната посета на ПО Галате, министерот за внатрешни работи Оливер Спасовски оствари средба со раководството на СВР Тетово на која се разговарало за безбедносната состојба во  регионот, криминалитетот, разните полициски акции.

„Разговаравме за криминалитетот, нарушувањата на јавниот ред и мир, подобрувањето во работењето во овие области. Знаете дека направивме и доста кадровски промени кои се однесуваа на СВР Тетово. Добро е што започнуваме сериозно со зголемување на процентот на откривачка дејност и намалување на криминалитетот. Сведоци сте дека изминатиот период активно, плански се работи во делот на сузбивањето на трговија со дрога. Веќе имаме 136 приведени лица и мислам дека во тој поглед граѓаните може да бидат поспокојни и посигурни во делот на безбедноста.“, изјави министерот.

Спасовски потенцира дека е важно граѓаните да соработуваат со полицијата и довербата да зајакнува.