Спиете ли добро на полна Месечина?

Имаме полна Месечина, за чие влијание врз човекот и другиот жив свет постојат разни теории, верувања, факти. Правени се бројни истражувања за да потврдат одредени тврдења. Некои од нив навистина биле докажани, а други останале на ниво на народни убедувања пренесувани низ генерациите.

Пренесуваме неколку:

-Во светот на хортикултурата, постои верување дека билките кои се засадени на полна Месечина побрзо растат. Тоа се поврзува со подземните води врз кои полната Месечина има влијание.

-Далеку од тоа дека луѓето ги фаќа лудило при полна Месечина, но докажано е дека постојат одредени промени во расположението, односно расте чувствителноста и вознемиреноста.

– Се смета дека полната Месечина има негативно влијание врз спиењето. Голем број на луѓе тешко заспиваат или често се будат кога владее полна Месечина.

-Зголемен број на породувања! Ова е верување кое постои со векови, а има и обид за научно објаснување. Стручњаци во Јапонија испитувале и дошле до заклучок дека колку што Месечината е поблиску до земјавата, гравитацијата е посилна и затоа се раѓаат повеќе бебиња.