Студеното време му годи на нашето здравје

Веројатно сте слушнале дека студеното време и свежиот воздух позитивно влијаат врз нашето здравје. Организмот има конкретни придобивки од студеното време. Во продолжение, ви претставуваме неколку од нив:

1.Имаме повеќе енергија

Прошетката на студено време ќе ве исполни со силна енергија, па по враќањето дома ќе се почувствувате расположени и ќе имате волја да ги завршите вашите обврски. За студеното време да ве поттикне, не треба со часови да шетате. Доволна е една кратка прошетка.

2.Влијае на квалитетот на спиењето

Ниската температура во просторијата, во којашто спиеме, влијае на квалитетот на нашиот сон, а особено одговара за луѓето, кои патат од несоница. Нив ќе им биде полесно да заспијат во соба, чија температура е околу 15 Целзиусови степени.

3. Согорување на калории

Студеното време поттикнува на согорување на калории во темното масно ткиво. Темното масно ткиво произведува топлина и согорува маснотии.

4. Мозокот работи подобро

Докажано е дека при високи температури, луѓето се помалку решителни и ретко донесуваат големи одлуки. Топлото време бргу ги исцрпува нашите резерви на гликоза која ја користиме во менталните процеси, па нејзиниот недостаток влијае врз нашата способност за донесување на одлуки.