Утревечер во Гостивар модна ревија на деца со посебни потреби

Во Центарот за култура АСНОМ во Гостивар, утревечер ќе се одржи модна ревија на деца со посебни потреби. Манифестацијата е насловена „Убавината не познава граници“, а ја организира Здружението на лица со посебни потреби Заедно можеме.

„Секое дете ќе биде придружувано од познати личности музичари, актери и други области, а облеката што ќе ја носат децата на ревијата ќе биде изработена од рециклирани материјали. Учесниците ќе добијат подароци од Дедо Мраз, а благодарници ќе им бидат доделени на сите соработници и поддржувачи на организацијата. Влезот ќе биде слободен. “, информираат од Здружението.

Настанот се организира во соработка со гостиварскиот Црвен Крст и со поддршка на општината. Почетокот е во 18 часот.