Суво и студено време ќе владее во наредните денови

Според метеоролошките прогнози, 2019-та година ќе ја завршиме со суво и студено време, кое ќе се задржи и во првите денови од новата година.

Денес е 30 декември, понеделник, 364 ден од годината. Сонцето утрово изгреа во 7 часот и 4 минути, а ќе зајде во 16.14 часот. Времето ќе биде променливо облачно и студено, со провејување на слаб снег. Ќе дува умерен до засилен северен ветер. Температурата ќе се движи од -8 до 2 степени.

Во последниот ден од 2019-та, вторник не` очекува претпладне со променливо облачно време, додека попладне сончево со мала до умерена облачност. Температурата ќе биде од -2 до 6 степени. Времето во среда и четврток ќе биде сончево, со мала до умерена облачност и ќе дува умерен северен ветер. Утрата ќе бидат студени со минимална температура од -4 степени, а дневната ќе се искачи до 6 степен.

Во петок, според прогнозите ќе имаме сончево и нешто потопло време со температура до 8 степени.