Вести
Свикана седница на Совет – Гостивар ќе оди на времено финансирање
Планирањето и трошењето на општинските пари во Гостивар ќе се одвива со времено финансирање до донесувањето на буџетот за 2018-та година. Претседателот на Советот, Насир Муслиу за Gostivarpress.mk потврди дека свикал седница за 24-ти јануари на која на дневен ред ќе се најде предлог одлука за времено финансирање на општината. Тоа значи дека ќе има услови за исплата на платите на наставниците и локалната администрација, но и дека за сега нема ништо од донесување на годинешниот буџет.
Според Законот за финансирање на единиците на локалната самоуправа, доколку Советот не изгласа буџет до 31 декември, треба да донесе одлука за времено финансирање и финансиски план за нејзино спроведување за период од 1 јануари до 31 март. Во тој случај градоначалникот одобрува исплата на средства по сметки, потпрограми и ставки од буџетот, но најмногу до една третина од висината на расходите за тој период од претходната фискална година. Колкава ќе биде точно сумата која градоначалникот ќе смее да ја одобрува ќе пресмета Министерството за финансии.
Доколку и по истекот на временото финансирање (до 31 март), не се донесе буџетот, се создаваат услови за самораспуштање на Советот, за што треба да се изјасни мнозинството од вкупниот број на членови.
Предлог буџетот на општина Гостивар за 2018 изнесува 16,8 милиони евра. Документот до сега не се изгласа поради политичките поделби меѓу мнозинството во Советот и локалната власт.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот