Во сабота на гостиварскиот плоштад акција за помош на семејството Јосифоски

Сторијата за семејството Јосифоски од гостиварската населба Циглана која ја објавивме пред два дена, ја поттикна хуманоста кај сограѓаните. Во сабота на градскиот плоштад во Гостивар, волонтери организираат хуманитарна акција за собирање на донации за која и Gostivarpress.mk како медиум ја дава својата поддршка. Акцијата ќе се спроведе во периодот од 10 до 11 часот, а сите кои се заинтересирани да донираат, контакт со волонтерите може да остварат на тел. 078 247 111.

Организаторите на саботната акција апелираат граѓаните да се вклучат во што поголем број и да помогнат со она што најмногу му е потребно на семејството во моментот: храна, средства за хигиена и парични средства.

Како што пишувавме, Милотин и Гајта со ќерката Радица живеат во мизерни услови, во една соба, без купатило, со социјален надоместок кој не може да им ги покрие основните потреби за храна и лекови. Радица има пречки во развојот, таткото се соочува со здравствени проблеми, што дополнително им го отежнува животот. Соочено со безизлез и очај, семејството побара помош преку медиумите.

Директен контакт со семејството на тел: 078-743-519