Тетово прогласи тридневна жалост

Советот на Општина Тетово на денешната итна седница која се одржа поради трагичниот пожар во кој изгоре модуларната болница, прогласи три дена жалост.

„Дозволете ми да искажам најдлабоко сочувство до сите семејства кои ги изгубија најблиските и сочувство до сите граѓани на Тетово, имајќи предвид дека сите во оваа трагедија изгубивме браќа, сестри, сограѓани. На седницата на Совет донесена е одлука за три дена жалост.“, рече градоначалничката Теута Арифи.

Градоначалничката информираше дека на семејствaта на загинатите ќе им биде доделена одредена помош од ургентен фонд на општината, откако ќе се добијат официјалните информации за жртвите.