Тинејџери низ кафулињата до ниедно време пијат алкохол – Акција на полицијата во Гостивар

Изминатиот викенд од 22 до 3 часот, полициски службеници на Секторот за внатрешни работи Тетово спровеле акциска контрола во 11 угостителски објекти, лоцирани во централните подрачја на Тетово и Гостивар, за откривање и санкционирање на угостителите кои овозможуваат престојување на малолетници по 24 часот и послужување со алкохолни пијалоци.

„При тоа, во еден тетовски објект на улица „Илинденска“ затекнати се три женски малолетни лица кои конзумирале алкохол, додека во три гостиварски објекти на улица „Живко Брајковски“ и „Беличица“ затекнати се 14 малолетници кои престојувале по 24 часот, а четири од нив конзумирале и алкохол.“, соопшти СВР.

Полицијата најавува дека по целосното расчистување на сите поединости ќе следуваат соодветни поднесоци против сопствениците на угостителските објекти, согласно член 204 од Кривичниот законик и член 24 од Законот за прекршоци против јавниот ред и мир .