Вести
Триесетина девојки од странство нелегално работеле по кафеани и барови
Појавата низ кафеаните во полошкиот регион да се ангажираат странски државјанки на црно, не е нешто ново. Во акциски контроли и при редовни полициски активности спроведени во првите шест месеци од годината биле откриени 28 девојки, од кои 13 од Албанија, девет од Србија и шест од Косово, кои го злоупотребиле туристичкиот престој и непријавено работеле во угостителски објекти. Во баровите и кафеаните тие претежно биле ангажирани како пејачки, танчерки, келнерки и ги забавувале гостите во доцните вечерни часови.
„За нивниот непријавен престој или работа, по приведувањето биле предадени во Отсекот за прекуграничен криминал, миграции и странци, а потоа изведени се пред судија за прекршоци во Основните судови во Тетово и Гостивар. Покрај парични глоби, на најголемиот број од нив изречени им се и забрани за влез во Република Македонија од една до пет години“, соопштуваат од Секторот за внатрешни работи.
Во истиот период, биле откриени и 13 странски државјани, 10 од Албанија и тројца од Турција. И тие престојувале спротивно на целта или воопшто не биле пријавени, а некои од нив илегално влегле во земјата. Станува збор за „економски емигранти“ или „надничари“, кои во полошките села обично пристигнуваат пред почетокот на летото и работат на црно, градежни и земјоделски работи за ниски дневници.
Тие добиваат парични казни и потоа се депортираат во матичните земји.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница