Тука би добиле отказ, но во Јапонија дремењето на работа е традиција

Додека за остатокот од светот, спиењето на работното место може да донесе отказ, во Јапонија дремнувањето на работа е нешто нормално, па дури и пожелно. Во „земјата на изгрејсонцето“ тоа е прифатено како културолошка појава, и се нарекува „инемури“.

Всушност, Јапонците на тој начин потврдуваат и изразуваат дека се до моментот на затворање на очите, се „истепале“ од работа без никаква пауза. И тоа не е никакво фолирање, ако се знае дека тие важат за најдисциплинирани и највредни работници во светот. Инемури едноставно не се злоупотребува.

Професорката Бригита Стеџер е автор на книга, која се обидува да ја објасни оваа навика на Јапонците. Во книгата таа пишува дека дремнувањето на работното место е најзастапено кај работници кои целото работно време го поминуваат во канцеларија, на фотелја, пред компјутер.

Верувале или не, во Јапонија „инемури“ е вкоренето веќе илјада години. Освен на работното место, Јапонците имаат навика да си дремат во јавниот превоз, во продавници, на клупи во парковите и други јавни места. Така, метроата секојдневно наликуваат на големи спални соби, со таа разлика што во нив се спие седејќи.

Стручното објаснување на научниците за масовното дремење на работа и на јавни места во Јапонија, лежи во фактот што Јапонците малку спијат ноќе, односно не повеќе од 5 часа.