Гостивар
Ученици од Гостивар создаваа ликовни дела според прочитани книги
Љубовта кон читањето и уметноста споени во едно. Основци и средношколци од гостиварски училишта беа дел од интересен настан во Центарот за култура „АСНОМ“ во Гостивар, што се одржа по повод Светскиот ден на книгата и авторските права кој се одбележува утре, 23 април.
Во холот на установата на штафелаи, учениците создаваа ликовни дела според романи што ги прочитале и им оставиле силен впечаток. Со големо внимание и творечка енергија се препуштија на својата имагинација, прочитаните книги да ги претстават визуелно, најдобро што умеат.
Настанот го организираа Одделот за фигуративна уметност и библиотеката при Центарот за култура.
„Идејата произлезе заеднички со нашата колешка од библиотеката Фарије Адили. Сакавме со еден убав настан којшто ги спојува читањето и сликањето, да го одбележиме Светскиот ден на книгата и авторските права. Целта е да се промовираат љубовта кон пишаниот збор и уметноста, да се поддржат креативните млади и да се поттикнат што почесто да се вклучуваат во културните случувања“, рече Лулјета Усеини од Одделот за фигуративна уметност.
Учениците кои учествуваа во сликањето од организаторите добија книги на подарок.
Светскиот ден на книгата и авторското право е востановен од УНЕСКО во 1995 година. Ова е симболичен датум во светската книжевност, бидејќи токму овој ден е поврзан со брилијантните личности на пишаниот збор како Мигуел де Сервантес, Вилијам Шекспир, Лопе Де Вега. Идејата се заснова на стариот каталонски обичај да се подари книга и роза.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот