Украден паричник со 500 евра во дуќан во Гостивар

Во деновите од викендот што измина регистрирана е тешка кражба во дуќан за текстил во Гостивар. Според информациите од Секторот за внатрешни работи, кражбата ја пријавил четириесет и седумгодишен гостиварец, сопруг на сопственичката на објектот што бил провален, лоциран на улица „Иво Лола Рибар“ во Гостивар.

Крадците успеале да влезат внатре, откако насилно ја отстраниле металната решетка пред објектот и го отвориле подрумскиот прозорец. Целосно го пребарале долниот дел од објектот и од картонска кутија под скалите, одзеле паричник со 500 евра, кој гостиварецот го имал сокриено на тоа место. Со пленот, незабележани од никого, го напуштиле дуќанот.

Извршен е увид и се работи на откривање на сторителите, соопштува полицијата.