Уште 20-тина дена рок за исплата на К15 – износот од 10.000 до 15.000 денари

Работодавачите во приватниот сектор имаат рок до крајот на годината, да им исплатат регрес на вработените. К15 им следува на сите работници кои за имаат заснован работен однос во фирмата, најмалку шест месеци во текот на календарската година.
Износот на регресот, треба да биде најмалку 40% од просечната нето плата или најмногу 40% од просечната бруто плата во полседните три месеци. Според пресметките, сумата се движи од 10.000 до 15.000 денари.
Според законот, газдите кои нема да исплатат регрес за годишен одмор или ќе побараат од работниците да ги вратат парите, се соочуваат со казни од 1000 до 4000 евра, но и затворската казна до 1 година.
Сојузот на синдикатите на Македонија уште пред еден месец, преку соопштение ги повика работодавачите да им исплатат регрес на работниците до крајот на годината, како што предвидуваат правилата.
„Регресот за годишен одмор е право воспоставено по пат на дијалог помеѓу претставниците на работниците во конкретниот случај Сојузот на синдикатите на Македонија и од претставниците на работодавачите – ОРМ и со оглед на тоа што се работи за право уредено спогодбено со потпишување на колективен договор, очекувано е работодавачите целосно да ја исполнат обврската која доброволно ја презеле.„На работниците на кои нема да им биде исплатен регресот им укажуваме дека можат да побараат интервенција од Државниот инспекторат за труд , или пак да покренат судска постапка за заштита на своите права.“, наведоа од ССМ.
За вработените во јавниот сектор се` уште не е предвидено право на К15.