Занимливости
Вечерва спектакл на небото – Метеорскиот дожд Персеиди видлив со голо око
Овој викенд носи спектакл на ноќното небо, бидејќи се очекува најубавиот дел на овогодинешниот метеорски дожд кој од година во година ги фасцинира сите љубители на астрономијата, но и пошироката јавност.
Имено, метеорскиот дожд се феномен кој се случува секоја година, приближно во исто време. Во текот на летото тоа се Делта Аквариди и Персеиди. Делта Акваридот веќе се случи, ноќта меѓу 30 и 31 јули, а Персеиди ќе биде ноќта меѓу 12 и 13 август.
Персеиди
Персеидите се сметаат за најдобар метеорски дожд во годината, а неговите метеори потекнуваат од кометата 109P/Swift-Tuttle. Овој метеорски дожд е активен од средината на јули до почетокот на септември, а неговиот максимум може да се забележи ноќта помеѓу 12 и 13 август. Она што го прави посебен овој небесен феномен е тоа што во денови околу максимумот може да се забележат од 50 до 100 метеорити на час.
Месечината нема да претставува премногу проблем за набљудувачите, бидејќи метеорите кои влегуваат во нашата атмосфера се поголеми и затоа се посветли, со трага која останува видлива на небото подолго.
Исто така, за време на максимумот, Месечината нема да биде видлива на небото во вечерните часови, а метеорите иако ќе доаѓаат од правец на соѕвездието Персеј (североисток), ќе може да се забележат на целото небо.
Како да се набљудува метеорскиот дожд?
Најдобар начин да го гледате метеорскиот дожд е да побегнете од градот, да понесете столче и да се чувствувате удобно. Не ви треба телескоп или двоглед – сè ќе биде видливо со голо око.
Доколку го набљудувате небото навечер кога се очекува максимално количество дожд, а не гледате метеори, препорачливо е да им дозволите на очите да се прилагодат на темнината половина час, како и да избегнувате да го користите телефонот во текот на овој период.
Ако камерата на вашиот паметен телефон има режим на астрофотографија, не пропуштајте да фотографирате додека ги набљудувате Персеидите. Меѓутоа, ако го држите телефонот во рака додека фотографирате, вашите слики ќе бидат заматени, па затоа треба да го потпрете уредот на нешто, па дури можњ да понесете и статив.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот