Виена од сега го има највисокиот тобоган во Европа

Од октомври годинава, австриската престолнина е побогата за уште една атракција. Познатата дунавска кула од сега има тобоган на височина од 165 метри, што го прави највисокиот тобоган во Европа. Љубителите на адреналинот ќе можат да се спуштат од централниот дел од северната страна на кулата до надворешната тераса на височина од 150 метри преку проѕирен тобоган кој нуди извонреден поглед на градот.

Оваа уметничка инсталација во форма на осветлен тобоган на отворено е дело на познатиот германски уметник Карстен Холер, и е одлична комбинација на уметност и адреналин. Атракцијата дополнително ќе го подобри изгледот на Дунавската кула, највисоката зграда во Виена и популарен симбол на градот кој постои речиси 60 години.

Дунавската кула е изградена во 1964 година, а е создадена како дел од Виенската меѓународна градинарска изложба. Се наоѓа во близина на брегот на Дунав во 22-от градски округ Донауштат. Неговата вкупна висина е 252 метри и е највисоката зграда во Австрија. Централниот дел на кулата е на височина од 165 метри, а надворешните тераси се на висина од 155, односно 150 метри. Од неговото отворање досега го посетиле околу 23 милиони луѓе, а во изминатите неколку години годишно има околу 420.000 посетители. Од 2001 година објектот е под заштита.

Поради извршување на работите Дунавската кула беше привремено затворена за посетители, но од средината на ноември сите што сакаат ќе можат да ја доживеат новата атракција. Според сегашните планови, атракцијата ќе ја краси кулата најмалку три години.