Виктор Угриноски го извади светиот крст од Вардар на Водици во Гостивар

Најсреќен годинава на Водици во Гостивар беше 16 годишниот Виктор Угриноски. Гимназијалецот го извади светиот крст што беше положен во водите на Вардар, во рамки на одбележувањето на големиот христијански празник Богојавление. Честитки и желби за здравје, бериќет и благосостојба стигнаа од насобраните верници кои дојдоа заедно да го чествуваат денот и беа дел од манифестацијата.

Прославата на празникот започна утрово со света литургија во соборниот храм „Пресвета Богородица“ на градскиот плоштад. По богослужбата, литијата тргна од црквата и преку централното градско подрачје се движеше до малиот мост на Вардар, пеејќи ја песната „Во Јордање“. Таму беше извршен чинот на осветување на водите и положување на светиот крст во реката.

Gostivarpress.mk во текот на денот ќе објави фото репортажа од прославата.

Бог се јави-Навистина се јави!