Вишна – Овошје кое ќе ве смири, разубави и прочисти

Нема дилема дека вишните се едно од омилените овошја на повеќето луѓе, поради специфичниот освежителен вкус. Сепак, малку се знае дека вишната има бројни придобивки за здравјето и затоа е препорачливо да се јаде, секогаш кога се има прилика за тоа – убава, вкусна, свежа, сочна вишна.

Вишните даваат ситост и го прочистуваат организмот. Полни се со витамини А и Ц, фолна киселина, калиум, магнезиум и железо. Доколку страдате од несоници, тогаш тоа е овошјето што ви треба. Пијте редовно чаша сок од вишни, половина час пред да легнете. Тие се добар извор на мелатонин, хормон кој е поврзан со квалитетот на спиење. Не е лошо да запаметите дека, колку се покисели, толку повеќе мелатонин содржат.

Вишните ќе ви помогнат и во подмладувањето. Ја одржуваат кожата цврста и еластична. Содржат многу повеќе антиоксиданси од другото овошје, а токму тие се најголемите борци против стареењето.

Луѓето кои страдаат од висок крвен притисок, треба да ги внесат вишните во своето секојдневно мени. Богати се со калиум, кој делува на работата на срцето и регилирање на крвниот протисок. Фитостеролите пак, кои исто така ги има во вишните се добар сојузник за намалување на холестеролот во крвта.

Ова овошје има долга листа на бенефити. Ние ќе ја заокружиме со придобивките за коските, зглобовите и мускулите. Докажано е дека вишните ублажуваат болки во мускулите, помагаат кај лица со остеопороза и артритис.