Во болницата во Гостивар има 108 ковид пациенти: МОЛИМЕ на коректен однос кон медицинскиот персонал

Управата на гостиварската болница ја оценува состојбата со бројот на ковид пациенти како алармантна. На лекување се вкупно 108 лица, од кои повеќето се ставени на кислородна поддршка. Болничките капацинети се пополнети. Се разгледуваат опции за препраќање на болни во други градови, доколку дојде до таква потреба.

„Денес (22 август) директорот на болницата др. Јакуп Јакупи заедно со медицинскиот персонал при посетата на центрите за ковид во болницата, ја констатираа сериозната и алармантната состојба, а во координација со министерот за здравство ги анализираа можностите доколку е потребно некои пациенти да бидат префрлени во неколку други блиски здравствени установи. Апелираме до сите граѓани, хоспитализирани пациенти и роднини на хоспитализирани лица да бидат што е можно помалку присутми во просториите каде што се наоѓаат членовите на нивните семејства, бидејќи постои можност да бидат заразени со смртоносниот вирус и во исто време им се МОЛИМЕ на сите да бидат повнимателни со нивното однесување кон медицинскиот персонал и по коректни поради тоа што со нивното некоректно однесување ги спречуват медицинскиот персонал да ја врши својата работа.“, соопштија од болницата.

Според податоците од таму, на инфективно одделение и во модуларната болница се се лекуваат 63 пациенти од кои 40 се на кислород. На интерно одделение во моментов има 30 хоспитализирани пациенти од кои 15 се на кислород. На нервно одделение има хоспитализирани 15 пациенти од кои сите 15 пациенти се на кислород.