Во Гостивар акции за уредување на зеленилото – во селата чистење на речните корита

Јавното претпријатие за паркинзи и зеленило деновиве привршува со акцијата за кастрење на дрвјата низ парковите и други јавни површини во Гостивар.

“Акцијата ја преземаме за да ги доведеме дрвјата и зеленилото во задоволителна состојба Во последната фаза се изврши уредување во малиот градски парк во центарот на градот”, вели директорот на претпријатието, Музафер Зулбеари.

Освен овие активности, деновиве работници на претпријатието спроведоа  акција и за чистење на коритото на реката околу џамијата во село Дебреше. „Чистењето се спроведе на барање на жителите со оглед на тоа што  речното корито било полно со отпадоци“, нагласи Зулбеари и најави дека акции за чистење на речните корита во селата на подрачјето на општина Гостивар, ќе се спроведуваат во континуитет, зависно од потребите.