Во Гостивар интензитетот на земјотресот бил 5 степени

Центарот за управување со кризи соопшти дека земјотресот со епицентар во Албанија, бил почувствуван со интензитет од V степени според Европската макросеизмичка скала во западните делови на Републиката (Охрид, Струга, Дебар, Гостивар, Тетово), IV-V степени во Скопје, Кичево, Битола и со интензитет од III-IV степени според истата скала во источните делови.

Сеизмолошката опсерваторија при Природно-математичкиот факултет во Скопје, регистрирала серија на земјотреси, чии епицентри потекнуваат од соседна Република Албанија, од подрачјето на Драч, на растојание 170 km југозападно од Скопје. Најсилен до сега од оваа серија е земјотресот во 03:54 часот со локална Рихтерова магнитуда од 6.3.