Гостивар

Во Гостивар нема нови потврдени случаи на корона – во Македонија нови 5, оздравени 95

Објавено

пред 4 години

на

03/05/2020

Од

Gostivarpress.mk

Во дневната информација од Министерството за здравство за состојбата со Ковид -19 во земјава, се наведува дека Институтот за јавно здравје регистрира 95 оздравени пациенти и тоа од:

– Скопје 32
– Куманово 38
– Прилеп 16
– Тетово 2
– Велес 7

Во изминатите 24 часа направени се 249 тестирања, а потврдени се 5 нови случаи на ковид-19 и тоа во: Скопје-2, Куманово-1, Прилеп-1 и Тетово-1. Регионот на Гостивар нема нови случаи. Досега во земјата се направени вкупно 17.246 тестирања на коронавирус.

Вкупната бројка на ковид дијагностицирани во нашата земја од почетокот на епидемијата изнесува 1511, бројката на оздравени пациенти е 945, на починати е 84, а во моментов бројот на активни случаи во земјата изнесува 482.

„Во ГОБ „8 септември“ почина пациент од Куманово на возраст од 94 години, хоспитализиран на 28 април, а денеска институтот регистрира и пациентка од Струга на возраст од 69, која починала на 29 мај на пат кон болницата во Охрид. Од страна на ЦЈЗ Охрид е земен постпортем брис кој покажал присуство на вирусот.“, информира МЗ.

Сподели ја веста: