Во Македонија 19 новозаболени од корона, вкупната бројка е 67

Бројката на новозаболени до 10 часот денеска е 19, а вкупната бројка на заболени во земјата е 67, информира Министерствот за здравство.

„Вчера попладне и во текот на ноќта преку Институт за јавно здравје на коронавирус беа тестирани 71 лице. Од нив 2 лица се позитивни на вирусот, едно лице од Скопје – контакт на веќе потврден и дијагностициран пациент од Скопје и едно од Охрид – дојдено од Бреша, Италија кое било во контакт со потврдени и заболени пациенти од коронавирус во Италија. Најголем дел од тестирањата направени преку ИЈЗ се во рамките на раниот скрининг, кај лица со поширока индикација. На клиниката „Жан Митрев“ се тестирани и позитивни на вирусот уште 17 пациенти, кои ќе бидат потврдени во текот на денот.“, наведуваат од Министерството.

Во Гостивар вчера беше потврден првиот случај на корона.