Во регион на Гостивар има над 400 лица во изолација со решение од здравствен инспекторат

На подрачјето што го покрива гостиварската полиција, моментално над 400 граѓани се наоѓаат во изолација со решение од Државниот санитарен и здравствен инспекторат. Податокот беше даден од страна на претставници на полицијата, на денешниот состанок на Кризниот штаб во Гостивар.

Според статистиката на Секторот за внатрешни работи Тетово во изминатото деноноќие нови решенија за изолација од изготвени се на вкупно 115 лицa (Тетово-71 и Гостивар-44). Изјави за самоизолација потпишале вкупно 12 лицa, од кои Тетово 10 и Гостивар 2.

Во овој период  за неносење заштитни маски на вкупно 110 лица (Тетово-78 и Гостивар-32) изготвени им се прекршочни платни налози, согласно член 6  од соодветната владина Уредба.