За летување во Албанија нема да треба ковид пасош

Албанија нема да бара пасош за ковид вакцинација од туристите кои ќе одлучат летниот одмор да го поминат во едно од летувалиштата во оваа земја. Ваквата најава, во пресрет на туристичката сезона дојде денес од премиерот Еди Рама.

„Никој нема да наиде на пречки и услови при влез во Албанија за летните одмори, и сето тоа ќе се одвива многу полесно отколку минатата година. Со големо задоволство го следам зголемениот интерес за резервации за летен одмор во Албанија од граѓани до другите земји“, рече Рама.

Албанскиот премиер додаде дека целта со процесот на имунизација против ковид им е да се достигне бројка од 1 милион вакцинирани.

фото:фејсбук/Sarandë