Заев ги обелодени предлозите за нови министри, Министерството за финансии го презема лично тој на одредено време

Премиерот Зоран Заев ги обелодени имињата кои денес ќе ги достави до Собранието, како предлози за нови први луѓе во пет Министерства.

За министер за земјоделие ќе биде предложен Трајан Димковски, за министер за култура Хисни Исмаили, за животна средина и просторно планирање Насер Нуредини, за локална самоуправа Горан Милевски и за министер за политички систем и односи меѓу заедниците Садула Дураку.

„Обврската на министер за финансии ќе ја преземам лично јас одреден период, заедно со функцијата претседател на Владата. Следната недела ќе излеземе со промените на другите кадровски решенија“, изјави Заев.