Започна уписот на деца во градинките во Чегране, Форино и Равен

Од денес (1 февруари) тече уписот на деца од предучилишна возраст во детските градинки и центрите за ран детски развој во гостиварските села Чегране, Форино и Равен.

Како што информираат од општина Гостивар, детската градинка во Чегране ќе прими деца од две до шестгодишна возраст, додека во центрите за ран детски развој во Форино и Равен дечиња од три до шест години. Уписот на деца се врши во дирекцијата на ЈУДГ “Детска радост“, сместена во градинката „Цветови“ во Гостивар, на улица „Беличица“, кадешто може да се добијат и повеќе детали за потребната документација, цените и слично.

Уписите траат до 15 февруари.