Здравствен инспекторат: При тестирање за ковид да се даде точна адреса на евентуална изолација

Државниот санитарен и здравствен инспекторат сопшти дека сите лица кои се тестираат на ковид-19 потребно е во лабораторијата да дадат точни податоци за адресата каде ќе ја спроведат изолација (доколку излезат позитивни) ако истата не се совпаѓа со адресата по лична карта. Наведеното се однесува и за лицата контакти на позитивен случај на ковид-19 при нивното анкетирање од страна на епидемиолог од надлежен Центар за јавно здравје.

„Ова е од особено значење при проверките кои ги прави Министерството за внатрешни работи и секое не наоѓање на лицето нададената адреса повлекува покренување на соодветна постапка за која што ДСЗИ нема да презема никаква одговорност.“, се вели во соопштението од инспекторатот.