ЗОИ: Ќе се истражува „чудото“ на Валиева во Пекинг, Русија може да остане без златниот медал во уметничко лизгање

Пекинг, 10 февруари 2022 – Светските медиуми денес објавија информација дека доделувањето на сетот медали за екипното натпреварување во уметничко лизгање е одложено поради проблеми со допинг тестот на 15-годишната руска шампионка Камила Валиева.

Руската тинејџерка од Казан e спортист број еден на ЗОИ Пекинг 2022, откако пред два дена и стана првата лизгачка во историјата која изведе четирискок. Експертите веќе ја сметаат Валиева за најдобрата лизгачка на сите времиња, иако таа штотуку почнува со својата кариера. Иако ова и е прв настап на Валиева на олимписки игри, ниту учествувала на СП, таа досега држи девет светски рекорди во уметничко лизгање.

На нејзиниот слободен настап пред два дена во Пекинг, на популарното музичко дело Болеро од Морис Равел, првпат во историјата една натпреварувачка изведе четирикратно свртување на натпревар. Таа тоа го стори дури двапати, во својот трет обид и падна, но сепак доби оценка од 178,92 поени од врвните светски судии на натпреварот.

Според „Inside the Games“, ситуацијата е под истрага и доколку Валиева биде прогласена за виновна за прекршување на анти-допинг правилата, нејзината казна можеби нема да биде толку строга поради нејзината возраст.

Женскиот турнир на Олимпијадата во Пекинг започнува на 15 февруари и за него е пријавена Валиева.

Од таборот на руската експедиција на ЗОИ изјавија дека нелегалната супстанца е која е пронајдена во примерокот на Камила Валиева не ги подобрува атлетските перформанси и се користи за лекување на срцеви проблеми.