Зошто треба да се јаде по едно јаболко на ден?

Иако од него може да се направи сок, џем, желе, оцет и разни колачи, најдобро е да го јадете сирово. Јаболкото е богато со хранливи материи и ги содржи скоро сите хранливи материи потребни за нормална функција на телото.

Што содржи едно јаболко со средна големина?

На пример, едно средно јаболко содржи околу четири грама влакна, 14 проценти од дневната доза на витамин Ц, шест проценти од дневната доза на калиум и дури пет проценти од дневната доза на витамин К. Покрај тоа, ги има и витамините Е, Б1, Б2 и Б6.

Со конзумирање јаболка секој ден, ќе придонесете за одржување на здравјето на забите и непцата. Иако не можат целосно да ја заменат четката за заби, пастата за заби и конецот, јаболката ги чистат забите со намалување на бројот на бактерии во устата. Покрај тоа, тие ги зајакнуваат забите и го спречуваат развојот на кариес.

Фенолното соединение кое се наоѓа во лушпата на јаболкото го намалува нивото на холестерол во телото што му помага на срцето да работи. Покрај тоа, јаболкото содржи многу влакна, чија потрошувачка помага да се спречи Алцхајмерова и Паркинсонова болест. Ова овошје содржи флавоноиди, кои имаат антиоксидативно дејство врз нервниот систем

Флавоноидите, исто така, помагаат да се намали ризикот од рак на простата и белите дробови, додека кората на јаболкото содржи многу слоеви на тритерпеноиди, кои ги убиваат клетките на ракот  што е особено важно за здравјето на дојката, дебелото црево и црниот дроб.

Јаболката содржат и кверцетин, кој е антиоксиданс што го прави антиинфламаторно, антиалергично и антивирусно. Затоа  јаболката го намалуваат развојот на дијабетес, згрутчување на крвта и формирање на урична киселина, а дополнително имаат позитивен ефект врз дишењето, бидејќи со конзумирање пет или повеќе јаболка неделно, значително ја подобрувате функцијата на белите дробови.

Поради влакната што ги содржи, ова овошје е одлично оружје во борбата против дигестивните проблеми. Во случај на запек, ќе апсорбира вода од цревата за да работи подобро, додека во случај на дијареа, ќе апсорбира вишок вода од столицата.