Багремот и багремовиот цвет со голем број лековити својства

Неговото цветање е на пат, за многумина е омилен природен засладувач, а некои ќе посегнат по него и за здравствени цели. Станува збор за багрем, листопадно дрво од семејството на мешунките. Неговите бели цветови нанижани заедно во гроздови се со пријатен мирис и полни со нектар.

Лековити својства

Покрај тоа што е украсно и корисно растение, багремот има и голем број лековити својства. Цвеќиња, лисја и кора се користат во традиционалната медицина. Цветовите на багремот најчесто се сушат и се користат како чај за лекување на настинка, кашлица, главоболка и треска. Листовите од багремот можат да се сушат и да се користат како чај, а традиционално се користат за ублажување на дигестивни проблеми. Се верува дека кората има антиинфламаторни својства и се користи за ревматизам и артритис. Во хомеопатијата, цветовите на багремот се користат како лек за тегоби кои се резултат на прекумерно лачење на стомачна киселина, мигрена и невралгија на фацијалниот нерв одговорен за изразите на лицето и подвижноста.

Багремот ги нуди и овие предности:

Богат е со витамин Ц, познат како идеален сојузник на имунитетот, витамин К важен за здравјето на коските и минерали, калиум кој го регулира крвниот притисок, манган и магнезиум кој е одговорен за релаксирање на мускулната тензија и намалување на стресот.

Содржи антиоксиданси кои се борат против слободните радикали.

Багремот е богат со пребиотици важни за варењето и имунитетот и може да ги ублажи симптомите на синдромот на нервозно дебело црево.

Сепак, како и во се што ни е непознато, важно е да се консултираме со експерти.

Несакани ефекти

Познат на многумина, багремов мед е главно безбеден за консумирање, но, како и во се, има но. Така, неговото внесување ќе мора да го ограничат или целосно да го избегнат оние кои се алергични на пчели или мед поради можна алергиска реакција. Исто така, да се избегнува секаков вид мед на бебиња под една година поради ризикот од болузитис, болест предизвикана од токсинот на бактеријата Clostridium botulinum.

Чај од багрем против главоболка

Ако страдате од чести главоболки, пиењето природен чај секако не може да ви одмогне.

Една лажица суви цветови од багрем прелијте со два децилитри зовриена вода. Покријте и оставете го да отстои околу 15 минути. По желба збогатете го чајот со лимон или со малку багремов мед.