Ди-џеи од Гостивар го посетија градоначалникот

Службата за информирање при општина Гостивар извести дека градоначалникот Арбен Таравари, денес во својот кабинет ги примил ди-џеите, Јетон Кадриу (DJ Dark Child), Илир Селими (DJ Knockout) и Џелал Луши (DJ Chronic).

Во општинското соопштение наведуваат дека ди-џеите изразиле подготвеност да организираат настани наменети за младите од Гостивар, за кои побарале поддршка од Општина Гостивар.

“Општина Гостивар ќе биде отворена за соработка во овој правец не само за граѓанските организации, туку и за неформалните групи и за поединци кои се активни во унапредување на културниот и општествениот живот живот во нашата општина“, стои во изјавата на Таравари.

Ди-џеите, според наведеното во известувањето, почнале со подготовки за организирање на Летен музички фестивал во Гостивар.